AMK (अलंग, मदन, कुलंग)-भाग ५
(बस्स! नाम ही काफी है!)
तर आदल्या रात्री थंडीमुळे पुन्हा एकदा झोपेचं खोबरं झालं. सकाळी सूर्योदय🌄बघायला जायचं ठरलं होतं. पण कशाचं काय. प्रणोती ने जेव्हा आवाज दिला उठण्यासाठी तेव्हा already उशीर झालेला. कोणीच उठलं नव्हतं. फक्त संजय सर सूर्योदय बघायला गेले होते बहुतेक. आम्ही अलंगवरचा सूर्योदय miss केला. असो. हळूहळू सगळेच जागे झाले होते आता. अंधार असेपर्यंत प्रातःविधी आवरायला एकएक बाहेर पडले. हळूहळू उजाडलं आणि आम्ही Tooth Brush, Facewash घेऊन टाक्याकडे गेलो. इतक्या सकाळी सकाळी टाक्यातल्या थंडगार पाण्याने चूळ भरली आणि सण्णकन सगळी इंद्रिय जागी झाली. मग तोंड धुवायला घेतलं आणि आई आई गं. तोंडावर बर्फ फिरवला तरी वाटणार नाही इतकं वाईट थंड वाटलं😖. तेवढं कमी होतं म्हणून त्यात जोरात सुटलेली हवा भर घालत होती.
food team चहासाठी टोप भरून पाणी घेऊन चाललेली. गुहेत पोहचलो. चहा घेतला. काहींनी (त्यातला एक प्रथमेश) कालचा राहिलेला Bread बाहेर काढलेला संपवण्यासाठी, तो खाल्ला, biscuits खाल्ले. मग Pittu उचलली आणि आम्ही निघालो अलंग फिरायला. थोडं वर चढून गेलो. आता पडक्या वास्तू दिसायला लागल्या. अशाच एका ठिकाणी group photo झाला📷. त्यातपण दुसरा click डावीकडे बघताना. काय माहित काय बघत होतो, ज्याचं त्याला माहित. पुढे निघालो आणि कातळात कोरलेल्या सुंदर अशा ११ पाण्याच्या टाक्यांजवळ पोहोचलो. सगळे सुटलेच. photo साठी. जो तो जाऊन एक-एका spot वर उभा राहिला. मग बसून photo काढण्यात आले. सगळे प्रकार झाले photography चे. ते कधी संपत नाही असंपण. मग प्रणोतीने सर्वांना एकत्र येण्यासाठी सांगितलं, कारण चिन्मय किल्ल्याबद्दलची माहिती देणार होता.
अलंग, मदन, कुलंग या दुर्गत्रिकुटा पैकी हा एक. भौगोलिक दृष्ट्या या किल्ल्यांच महत्व असं कि, या किल्ल्यांवरून नाशिक-पुणे, नाशिक-नगर अशा विविध व्यापारी मार्गांवर लक्षं ठेवलं जाई. तसंच किल्ल्यावरील टाकं हे शिवकालीन आहे हे कसं ओळखावं हेसुद्धा चिन्मय ने सांगितलं. जर कोरलेल्या टाक्यामध्ये, छिन्नी चे Marks angle मध्ये असतील तर ते शिवकालीन समजावं. तसंच दगडात इतकं मोठं टाकं कमीतकमी वेळात कसं बनवलं जाई याच्यादेखील २ पद्धती त्याने सांगितल्या. मग टाक्यांच बांधकाम आणि पाण्याची natural filtration system कशी आहे, याबद्दल माहिती दिली.
सुरुवातीचं टाकं हे सगळ्यात जास्तं खोल असतं ज्यामुळे वरून पाण्याबरोबर आलेली माती आणि गाळ खालीच साठून राहावा आणि फक्तं पाणी पुढच्या टाक्यात जावं. अशाप्रकारे प्रत्येक टाक्याची खोली वेगवेगळी आहे. आणि अशा एकूण ४ level होत्या. शेवटच्या टाक्यात जमा होणारं पाणी म्हणजे naturally filter झालेलं पाणी. हे सगळं चालू असताना एलोरा लेणीमधल्या शंकर मंदिराचा विषय निघाला. त्यावर चर्चा सुरु झाली पण वेळेअभावी ती तिथेच थांबवावी लागली आणि आम्ही पुढे निघालो.
पडक्या वास्तू बघत बघत चाललेलो असताना एका ठिकाणी पोहोचलो. जिथे आम्हाला सापडली DRAGON GLASS (Whiteवाली)(Only GOT fans will GET it😜😜). ज्याला मिळालं त्याने उचलला आणि खिशात टाकला. topmost point ला जात असताना वाटेत एक दिपमाळ बघितली. पुन्हा निघालो आणि एकदाचं पोहोचलो वर.
वर गेल्यावर खडकांवर सगळे बसलो आणि खाली जे दृश्य दिसलं, त्याने आपसुकच "आई शप्पथ!!!" तोंडातून बाहेर पडलं. एकाबाजूला कळसुबाई, दुसरीकडे रतनगड, कात्राबाई, आजोबा अशी रांग आणि सर्वात भारी म्हणजे भंडारदऱ्याचं पाणी.😍😍😍 अहाहा!!! आणि हवेला तर सुमारचं नाहीये तिकडे. जशी कळसुबाई ला हवा लागते तशीच इथेही. अर्थात बाजुबाजुलाच आहेत. पण तरीही. photo session झालं. पण तिथून हलायचं मनंच होईना. प्रणोतीला प्रत्येकाचं नाव घेऊन घेऊन हाकलावं लागलं सगळ्यांना. कारण पुढे नाश्ता करून कुलंगसाठी निघायचं होतं आणि नवीन ग्रुप आल्यावर Patch वर गर्दी होणार होती.
निघालो पुन्हा गुहेकडे🚶🚶. उतरताना एका ठिकाणी खूप सुकलेलं गवत होतं. तिथे प्रणोती, आणि TD घसरगुंडी करत गेले आणि आम्हालापण यायला सांगितलं. त्यांनी सांगितलं म्हणून मी आले बसून पण कसलं काय. TD ने जाताना आक्खं गवत झोपवलंच होतं direct😄😝. वरच्या photo मध्ये डाव्याबाजूला दिसतंय का? नुसते दगड टोचले त्यांच्या नादात😂. मग जाताना जरा वेगळ्या रस्त्याने निघालो. त्यामुळे एक पडझड झालेलं शिवमंदिर, शिलालेख आणि एक छोटीशी गुहा देखील दिसली. सारं बघून झालं आणि आम्ही आमच्या निवासस्थानी- गुहेत पोहोचलो.
गुहेत Food Team उपमा बनवायला बसली होती. तोपर्यंत बाकीच्यांना bags आवरायला सांगितल्या गेल्या. पुन्हा एकदा गुहेत Photo Session झालं. 😋उपमा खाल्ला, आवरलं, Bags पाठीला लावल्या आणि आम्ही निघालो कुलंग कडे(अजून अलंग चा Patch उतरायचा बाकी आहे हा.)😜
---------
भाग-५
--समाप्त--
भारती दळवी.
No comments:
Post a Comment